謙卑人的心願

《詩篇10章17節》
「耶和華阿,謙卑人的心願,你早已知道。〔原文作聽見〕你必豫備他們的心,也必側耳聽他們的祈求。」 
 
世人希望心想事成、成心所願, 這在無神的外邦世界係絕對嘅奢望, 未信主嘅人偶然達到就認為是運氣或奇蹟的際遇。
 
其實有一個領域叫做「所有東西為你發生,心想事成」, 係神專留比愛佢嘅合格謙卑人, 以上經文就係神的應許,大家可以抓住然後相信和宣告。
 
所以神係非常留心和聽見我們心中所思想的願望和夢想,為了獎勵我們好些心願神都會比我地,就好似送一份生日禮物比你所愛和最鍾意的人一樣,你係會精心為佢預備,但有些東西我地心願得到,神不能過早比我地,否則我地承擔唔到反而害左我地,例如:人生嘅配偶、富足、榮譽、權力等等。
 
所以有時我們是妄求的,就等於你個仔想揸車,你比唔比佢? 佢得12歲,緊係唔得喇!雖然佢心恨到發燒,冇得傾,等佢成長到18歲先有得考慮。
 
無錯,就算我地係謙卑人,有些東西神都不能給我們,要等我們成長到某個階段先可以,這是為我們好,但反而以上經文神應許和擔保我們佢會負責使我們成長,「你必豫備他們的心」這句就係神的應許,你可以隨時期待。
 
神怎樣使我們成長?就係用佢嘅說話:logos & rhema 加上歷練去預備我地嘅心,心再生出生命,生命再生出義行,就係成聖為義,就係成長,到時神就能夠應允你的禱告,成就你的心願,必側耳聽你們的祈求。
 
所以若果我們敏銳和常常追求聽神講說話,佢會非常密集透過聖經和真理,藉著佢嘅聲音同我地嘅心講好多說話而使我們成長。
 
我係一生相信每日神係不斷隨時除地非常密集在我思潮中同我講嘢,依個係我初信時心中嘅其中一個願望,結果一早心想這事就成,感謝神。
 

Powered by WordPress | Designed by Elegant Themes