懼怕神+愛神=敬畏神

《約伯記 4章6節》

「你的倚靠, 不是在你敬畏神麼。 你的盼望, 不是在你行事純正麼。 」

 

 

 

以上是約伯的其中一個好朋友以利法, 在他受苦嘅時候挨近他, 責備他的其中說話。 這裡指出原來約伯一生靈魂體的所有倚靠, 全部來自「敬畏神」, 都幾緊要喎。 信主前我睇好些武俠片, 好多時一些絕世武功, 或者一門武林絕學都係來自一兩個竅門, 以上經節就係指出非常類似的情況, 約伯一生嘅所有功力就係在乎佢「敬畏神」, 唔怪得「敬畏神」這詞語係充滿全本《聖經》。

 

為甚麼敬畏神係咁重要?很簡單!有甚麼會使我們全天候絕對遵行神嘅所有命令和旨意、完全聽從祂的說話、堅守祂的聖言和真理 ?

 

有人話係愛,倒不如話係「敬畏加上愛」,因為世界上最大的推動力不是愛,係「懼怕」;愛只排第二。你為「驚」而做嘅嘢,係遠遠多過、超過和快過為愛人而做。要你去愛人係要教和訓練你,但因懼怕而去做嘅眾多事情,係唔使教,係唔使學,係自發,係自動自覺,係自我原動。

 

「懼怕」本身在人類犯罪後係唔好,但我們得救重生後將它用係神身上係絕對好,「懼怕神」 加上「愛神」等於「敬畏神」,係我地人生最大最好最勁嘅原動力和倚靠。

 

約伯的朋友以利法係第六節前這樣說:

《約伯記 4章3至4節》

3  你素來教導許多的人,又堅固軟弱的手。

4  你的言語曾扶助那將要跌倒的人;你又使軟弱的膝穩固。

 

你看,一個敬畏神嘅人係幾咁堅強有力,因為他所倚靠就係神!他倚靠的方法就係敬畏神。


Powered by WordPress | Designed by Elegant Themes